Forord
 
Også i år kan vi presentere artiklar frå alle dei fire bygdelaga i Stranda
kommune. Det vonar vi å halde fram med. Fleire av bidragsytarane har
utflytta eller har familieband til bygdene våre. Vi er takksame for at dei
vil dele med oss minner i ord og bilete. Fleire har teke kontakt etter
oppmodinga frå redaksjonen i 2024: «Har du stoff eller idear til nye
artiklar og emne, ikkje nøl med å ta kontakt!» Denne oppmodinga gjeld
framleis.
 
Vi i redaksjonen vil takke alle som har hjelpt oss med årets Bygdeminne.
Arne Inge Tryggestad og Lars Jakob Skarbø har levert bilete og gode råd.
Randi Holth Skarbø har stått for den grafiske utforminga og for kontakt
med trykkeri.
 
Nokre lokale bedrifter har også i år kjøpt støtteannonsar. Takk for det!
 
Einar Stranden som pryder framsida saman med sin «Stranden
Scorpione», har generøst gitt oss tilgang til artiklar og bilete om sin ung-
doms draum og sitt store prosjekt. Det er vi svært takksame for.
 
Ragnhild Hammer som har skrive «Fars historie – tekst til Akersvegen»
har også delt med oss bilete og forteljingar frå denne boka. Det er vi også
takksame for.
 
Svein Fjørstad, utflytta strandar, har delt private brev til faren Rolf frå
1937–38, skrivne av ein mann som levde på eit småbruk og anna frå Stranda.
Sjølv om det berre var 15 år sidan, er desse tekstane spanande lesnad.
Frå 5. januar til 3. juni 1938, gir desse tekstane oss eit godt bilete av
tilhøva på Stranda. Gardsdrift og livet elles har endra seg mykje dei siste
90 år, men planane om å få til ein tunnel til Hellesylt kom allereie då.
«Det skal koma ein veg», skreiv dei. Ingå Lundanes skreiv i årsprotokoll i Ung-
domslaget Breidablikk om planar om veg til Hellesylt. Det er interessant
lesing, og gjev forteljinga heilt fram til 2024–25.
 
Gerhard Blaue Reiling, også han utflytta strandar, har levert ein tankevekkjande tekst «Ein intellektuell i Reilingbrauta». Han avsluttar slik:
«Å ha ein eigen stad, har sett på byrjargleda
og på viljen til å skape rom for eigen identifisering.
Dette kan vere med på å gi oss noko som er større
enn oss sjølve, og det kan gi oss eit fundament
for å sjå kvar vi er, og om naudsynt kor svara det.»
 
God lesing!
 
Velaug Vassbotn
Redaktør